Acara kang digelar ing Alun-Alun Wonosobo iki, dibukak kanthi Wonosobo Night Costume Carnival.
Duta seni watara cacah 20 saka kecamatan sak Kabupaten Wonosobo
megal-megol, mlaku ngubengi alun-alun, maragakake busana utawa kostum
kang nggambarake asil bumi Kabupaten Wonosobo lan budaya saka Kabupaten
Wonosobo. Sawise wonosobo Night Coustome Carnival digelar, ewon warga
Wonosobo kang teka disuguhi sendra tari tataran internasional kanthi
irah-irahan mahakarya Dieng. Penari watara cacah 526, nari jrone
pagelaran sendra tari kasebut.
Sendra tari makarya Dieng nyritakake babagan peradaban Dieng nalika
jaman Hindu-Budha kuno, wiwit abad 6 nganti 8 Masehi, nganti madege
Candi Dieng ing Kabupaten Wonosobo. Tata panggung lan lampu kang apik
sangsaya anjalari pagelaran sendra tari makarya Dieng kang lagi
sepisanan dipentasake kasebut, katon spectakuler.
Miturut Bupati Wonosobo, Kholiq Arif, lumantar sendra tari mahakarya
dieng kasebut, pehake ngajab bisa mbalekake Citra Wonosobo lan Dieng
minangka punjering peradaban budaya. Ing taun taun
sak banjure, bupati ngajab sendra tari kasebut bisa luwih sampurna
satemah bisa didadekake kegiatan taunan kang bisa dadi salah sawijine
pariwisata kang diagul-agulake ing Kabupaten Wonosobo. (Rahardian
Setiawan - Wonosobo)
Tidak ada komentar:
Posting Komentar